Rama në Beograd për ”Open Balkan”, Berisha: Ai Shqipërinë e do serbisht

Nga oborri i Kuvendit, kreu i Partisë Demokratike, Sali Berisha e cilësoi kryeministrin Edi Rama si armikun më të egër të Shqipërisë, ndërsa tha se me vizitën e tij të fundit në Beograd në kuadër të ”Open Balkan”, Rama dëshmoi se Shqipërinë e do serbisht.

“Armiku i egër për çdo shqiptar është Edi Rama. Sot vendi ka një opozitë më të fuqishme se ndonjëherë.

Rama ishte në Beograd, dëshmoi se Shqipërinë e do serbisht dhe atje do të shkojë, nëse e lejojnë.

Ai duhet të japë llogari për të gjitha vjedhjet para ligjit shqiptar, ato vepra penale bëjnë shumë dekada dënim për Edi Ramën”, tha Berisha.