Rama për ambasadorin e ri të BE: Sa herë e shoh më vjen keq, është me Napolin

Kryeministri Edi Rama ka hedhur disa batuta futbolli në drejtim të ambasadorit të BE, Luigi Soreca.

Ai tha se me ambasadorin janë në një kontradiktë, pasi ai vetë është me Juventusin, ndërsa ambasadori me Napolin që aktulisht janë në vendin e parë dhe të dytë.

Rama: Kemi një kontradiktë të pashmangshme që do të mbetet deri në fund se ambasadori është me Napolin, unë dihet se me kë jam. Sa herë e shoh me vjen keq se është gjithmonë i dyti, por sidoqoftë po e mbajtet vendin e dytë në raport me ne jemi mirë të dy palët. Të paktën në këtë rast. Merreni si të doni ju këtë tani.

Këto deklarata Rama i bëri nga Shkallnuri i Durrësit, ku mori pjesë në një takim me fermerë për investimet e programit IPARD në bujqësi, agropërpunim dhe zhvillimin rural.

/Ora News