Rama: Që kur hyra në parti, hoqa dorë nga ideja për të dalë nudo

Kryeministri Edi Rama ishte i pranishëm sot në qytetin e Lushnjes për anëtarësimet e reja në Partinë Socialiste.

Pas fjalës së tij, ai vijoi me dhënien e kartave dhe u tha të pranishmëve se kur të hyni në parti gjërat janë ndryshe.

“S’ka më liri absolute po hytë në parti. Edhe unë kur hyra në parti hoqa dorë nga ideja për të dalë nudo. Se s’mund të dilja ashtu. Je i lirë po kjo s’do të thotë se mund të dalësh në rrugë e t’i gjuash me gurë njerëzve,” tha Rama ndërkohë që salla u përfshi nga të qeshurat.