Raporti, mbi 1 milion shqiptarë dolën nga vendi në 3 muaj

Mbi 1 milion, është numri i shtetasve shqiptarë që dolën nga territori i Shqipërisë gjatë tre muajve të parë të 2022. Sipas një raporti nga INSTAT, është 1.053.690.

Numri i shqiptarëve që kanë dalë nga vendi gjatë muajve janar, shkurt, mars 2021 është rritur 39,3 %, krahasuar me të njëjtën periudhë të një viti më parë. Në muajin mars, numri i shqiptarëve që kanë dalë nga vendi është 388.067, një rritje me 51,7 % krahasuar me mars 2021.

INSTAT raporton se daljet e shtetasve shqiptarë dhe të huaj nga territori i Shqipërisë, gjatë muajit mars 2022, janë 689.064, duke shënuar një rritje me 66,7 %, krahasuar me të njëjtën periudhë të një viti më parë.