Raportuesja për Shqipërinë në PE: BE duhet të mbajë fjalën, të japë rezultate për qytetarët

Është prezantuar sot progres-raporti i Komisionit Europian për zgjerimin, ku komisioneri Varhelyi tha se shtyrja e negociatave për Shqipërinë dhe Maqedoninë e Veriut kanë krijuar impakt negative.

Raportuesja për Shqipërinë në PE, Isabel Santos, theksoi rëndësinë e caktimit të një datë për Konferencën Ndërqeveritare, duke nënvizuar se thuhet gjithmonë “muajin tjetër”, por ai nuk vjen kurrë.

“Kam një opinion të qartë. Është bërë e qartë që Bashkimi Evropian duhet ta mbajë fjalën sa i përket negociatave. Duhet të kalojmë në hapa të mëtejshëm. Ata (Shqipëria dhe Maqedonia e Veriut) kanë punuar por nuk po jepet rezultati. Do të doja të dëgjoja prej jush angazhimin për një datë për Konferencën e Parë ndërqeveritare me Shqipërinë dhe Maqedoninë e Veriut. Gjithmonë është thënë “muajin tjetër”, “muajin tjetër”, por ai nuk vjen kurrë! Njerëzit kërkojnë rezultate dhe duhet ti japim këto rezultate”, tha Santos.