Rastet e reja në Korçë, 80-vjeçarja infekton djalin, nusen, mbesën, nipin dhe bashkëshorten e nipit

Ditën e sotme (26 qershor), sipas raportimeve të ministrisë së Shëndetësisë, Korça ka regjistruar 5 raste të reja me Covid-19.

Mësohet se këto raste janë kontakte të zonjës 80-vjeçare e cila u konfirmua dje.

Të infektuarit janë të gjithë familjarë zonjës 80-vjeçare.

Konkretisht bëhet fjalë për djalin, nusen, nipin, bashkëshortja e këtij të fundit edhe mbesa e saj.

Ndërkohë, dy pacientë humbën jetën brenda 24 orëve të fundit pozitivë me koronavirus, ndërkohë raportohen për 77 raste të reja.

Në vendin tonë aktualisht janë 920 persona aktivë me Covid-19..

Situata paraqitet serioze në spitalin infektiv ku aktualisht po trajtohen 87 pacientë, 15 prej tyre janë në terapi intensive, ndërsa 2 janë të intubuar.