Reagon Cubi: Enkelejd Alibeaj gënjen!

Pas reagimit të PS në lidhje me akuzat e PD, ka reaguar edhe vetë Martin Cubi, i cili ka sqaruar situatën për të cilëm PD e akuzon për vrasës. Nëpërmjet një deklarate për mediat, Cubi sqaron se ka qëlluar për vetëmbrojtje pasi është sulmuar nga një person me thikë.

Më tej në sqarimin e tij, Cubi thekson është është shpallur i pafajshëm nga gjykata e Shkodrës në një kohë kur vetë Alibeaj ka qenë ministër i Drejtësisë.

Reagimi i plotë.

Enkelejd Alibeaj pa pikë turpi dhe I bindur dhe   ai vetë  se po gënjen merr  guximin  të dizinformoje publikun.

Lidhur  me deklaratën e pavertetë  të  bërë nga z Alibejaj ,  ndërsa më akuzoi  si kriminel, bandit dhe person me rrezikshmeri të lartë,  e shikoj të  arsyeshme të informoj mediat dhe  opinionin publik për të vërtetën që duhet të dine te gjithe.

Asnje  qytetar I këtij vendi nuk më njeh si përson  me rrezikshmeri  shoqërore, por përkundrazi  duke qënë prej  15  vitesh  kryetar I komunës Pult në Dukagjin, një zonë që persekutohej nga Partia Demokratike pasi votonte majtas,  kam qëndruar pranë  komunitetit  ne zgjidhjen e halleve të tyre te perditshme.

Nderkohe e verteta  për atë që gënjeshtari Alibeaj më quan “vrasës”,”bandit”,  është kjo : Më datën 27 Prill të vitit 2009, pak metra larg  spitalit Rajonal të Shkodrës,  jam goditur rëndë me thikë  në pjesën e qafës. Në kushtet e vetëmbrotjes kur agresori  tentoi të me  godiste serish me thikë  kam nxjerr armën që mbaja me leje  dhe kam qëllluar në drejtim të autorit, I cili për fat te keq humbi jetën. Unë kam shpëtuar nga kjo ngjarje vetem falë faktit që ndodhesha fare pranë spitalit ku ndihma ishte e menjehershme, pasi plaga ishte shume serioze.

Lidhur me këtë ngjarje  Gjykata e Rrethit Gjygjesor Shkodër   dhe Gjykata e Apelit Shkodër  në kohën kur  Ministër I Drejtësisë  ishte vete Z. Enkelejd Alibeaj  , më kanë shpalluar  të pafajshëm  pasi  ajo ka ndodhur në  kushtet e vetembrojtjes ekstreme. Kam sherbyer per 15 vjet si kryetar I Komunes Pult, I mandatuar nga vota e banoreve te kesaj zone, 8 vite prej te cilave ne qeverisjen e PD-se. Sikur te isha vertet ashtu sic shpreheni sot Z. Alibeaj, bazuar edhe ne ligjin e shtetit shqiptar por dhe ne mentalitetin hakmarres qe PD ka ndaj kundershtareve politike, jam I sigurte qe nuk do me kishit kursyer qofte nga shkarkimi por dhe nga denimi nese do isha fajtor.

Kjo deklaratë e juaja  z Alibejaj me jetp te drejten t’ju keshilloj te gjeni  një avokat të mirë për ti dalë për zot këtyre  shpifjeve.

Me respekt

Martin Cubi