Reforma administrative, Çuçi: Demokratët nuk kanë shans ta rrëzojnë

Edhe pse e ka kundërshtuar vazhdimisht dhe madje e quan reformë për interesa politike, ministri i shtetit për çështjet vendore Bledar Çuçi jep 2 arsye që sipas tij Partia Demokratike nuk do ta rrëzojë reformën administrativo – territoriale nesër me ardhjen në pushtet. Gjatë një leksioni të hapur me studentët që po ndjekin studimet Master në Universitetin e Shkodrës, ai ju përgjigj pyetjes  mbi shancet që kanë demokratët për ta rrëzuar këtë reformë.

"Duhet një konsensus i gjerë politike, pra duhet një shumicë kushtetuese për të miratuar hartën e re, por duhet edhe njëkonsensus i të gjithë aktorëve, duke filluar që nga faktori ndërkombëtar dhe deri tek gjykata kushtetuese", tha ai.

Çuçi u ndal edhe tek ndryshimet që po bëhen dhe hapat që po ndërmerren për fuqizimin e qeverisjes vendore në Shqipëri, me qëllim modernizimin e shërbimeve për qytetarët dhe zhvillimin ekonomik lokal. Mes tyre ai shtoi se kjo reformë nuk largon shërbimet nga qytetarët por përkundër, ofron modelin “one stop shop”.

"Janë mbi 60% e njësive të qeverisjes vendore që harxhojnë mbi 80% të buxhetit që kanë për shpenzime administrative.

Nuk munguan as pyetjet e studentëve lidhur me zbatimin në detaje të kësaj reforme e cila i jep vendin 61 bashki të reja dhe testimi i parë i saj është 21 qershori", shtoi ai.