Reforma në drejtësi, mblidhet tryeza e ekspertëve

Ashtu siç pritej, viti 2016 ka nisur me një çështje tepër të rëndësishme, që pason atë çfarë u la në fund të vitit 2015: reformën në drejtësi.

Kështu, ekspertë të nivelit të lartë kanë mbledhur gjatë pasdites së kësaj të hëne një tryezë për këtë reformë, e cila po zhvillohet aktualisht në ambjentet e Kryesisë së Kuvendit të Shqipërisë.

Sigurisht, në qendër të diskutimeve pritet të jenë reflektimet mbi raportin që publikoi Komisioni i Venecias në lidhje me këtë reformë të rëndësishme dhe të shumëpërfolur në vendin tonë, gjatë gjithë pjesës së dytë të vitit që lamë pas.