Reforma territoriale, kryebashkiakja Ademi: Fondi i Rajoneve nuk ekziston fare këtë vit

Kryetarja e Bashkisë së Shkodrës, Voltana Ademi e ftuar në “Ekopolitikë”, tha se për vitin 2019, Fondi i Zhvillimit të Rajoneve nuk ekziston fare, duke reduktuar financimet në kuadër të reformës territoriale.

Ademi: Kur flasim për fondet e investimeve, Fondi i Zhvillimit të Rajoneve, këtë vit nuk ekziston fare. Nuk kemi bërë hapa progresiv për këtë reformë, e cila ka nevojë të ushqehet me financa dhe investime që shkojnë direkt për shërbime ndaj qytetarëve. 

Ne kemi 1.2 miliardë lekë. Janë fonde të pamjaftueshme dhe këtu fus, fondet e kushtëzuara, edhe pagesat për ndihmën ekonomike. Vetëm për 30% ne kemi forcën e vendimmarrjes për fondet lokale. Tjerat janë të kushtëzuara për pagesa.