Reforma Zgjedhore, Balla: S’ka dakordësi me opozitën

Ende s’a dakordësi mes mazhorancës dhe opozitës, sa i përket ngritjes së komisionit të reformës zgjedhore. Objekti i punës vijon të ndaje palët.

Kreu i grupit parlamentar socialist, Taulant Balla, theksoi se ky komision duhet të adresojë të gjitha rekomandimet e OSBE/ODIHR-it, duke lënë të nënkuptohej se opozita nuk pajtohet me këtë.

”Në planin e këndvështrimeve apo vullnetit është dakordësi e plotë për t’u ngritur. 95% e punës është bërë deri tani, jemi duke saktësuar edhe një element të fundit që ka të bëjë me objektin e punës së komisionit dhe besoj se do ta zgjidhim në mos të enjten, në seancat e radhës. Komisioni i Posaçëm duhet të adresojë të gjitha rekomandimet që kanë ardhur nga raportet e OSBE ODIHR-it. Duhet ta pranojmë që nuk i kemi adresuar këto rekomandime që nga viti 2015. Dhe ky duhet të jetë objekti i punës”.