Reforma Zgjedhore dhe Territoriale, PD mbledh grupin parlamentar

Pasi u miratua në Kuvend ngritja e Komisionit për Reformën Zgjedhore dhe atë Territoriale, Partia Demokratike ka mbledhur grupin parlamentar. Në mbledhje do të caktohen emrat e anëtarëve të Komisioneve Parlamentare.

Partia Demokratike nisi dje takimet me ekspertë dhe qytetarë për të diskutuar lidhur me reformën territoriale, konsultime që do të zhvillohen në 12 qarqet e vendit.

Lulzim Basha thotë se Shqipëria ka nevojë për një hartë të re Territoriale që do të sigurojë një decentralizim të plotë të vetëqeverisjes vendore dhe pavarësi financiare për pushtetin lokal.