Reforma Zgjedhore, Gjiknuri: Shumica e propozimeve duhet të qëndrojnë siç janë

Bashkëkryetari i Komisionit të Reformës Zgjedhore, Damian Gjiknuri i ftuar në studion e lajmeve në RTV Ora foli për procesin e reformës.

Sipas tij shumica e propozimeve duhet të qëndrojnë siç janë, pavarësisht se janë radikale.

“Nëse propozimet do të pranohen ose jo janë debate në Komisionin për reformën. Mendoj që pjesa më e madhe e atyre propozimeve duhet të qëndrojnë siç janë, pavarësisht se janë radikale. Ato synojnë të adresojnë çështje të rëndësishme siç është çështja e balancimit të fushatës zgjedhore në media. Një ndarje më të qartë të rolit të administratës publike dhe abuzimit potencial që duhet të ketë qeveria në procese zgjedhore. Kompromisi është një proces që të gjitha palët do të luftojnë, por ç’ka është më e rëndësishme, duhet të vendosim interesa kombëtare mbi ato interesa të vogla partiake.”, tha Gjiknuri.