Reformimi i administratës publike, Vlahutin: Në disa zyra, situata është ulëritëse

Ambasadorja e delegacionit të Bashkimit Europian, Romana Vlahutin, është shprehur e shqetësuar për situatën në administratën publike.

Në vlerësimin e eseve më të mira për kontributin në shoqëri, ajo thekson se janë vënë re përmirësime, por në disa zyra, situata është ulëritëse.

Vlahutin: Së fundmi jam marrë me çështjen e pronave dhe në Vlorë kam zhvilluar takime në disa prej agjensive që merrem me këtë çështje dhe duhet thënë se është ulëritës fakti që disa pjestarë të personelit kërkojnë çdo të dhënë nga qytetarët. Por për çfarë është shteti? Është shteti ai që duhet të ketë informacionet dhe jo ju. Pashë me sytë e mi që ende ka shumë për të bërë 

Vlahutin theksoi se ndryshimi do të mund të vijë vetëm nga qytetarët shqiptarë. 

Të rinjve u bëri thirrje që të punësohen në administratë vetëm përmes meritokracisë dhe jo miqve e parave.
Vlahutin: Mos pranoni të jepni ryshfet dhe do të shihni që situata do të ndryshojë. Ne i mëshojmë fort meritokracise. Kur të aplikoni për një vend pune e vetmja gjë që ju duhet të keni përpara është testi, as miqtë, as politikanët apo paratë.

Deklaratat Ambasadorja Vlahutin i bëri gjatë shpalljes së studentëve fitues të konkursit me temë “Përmirësimi i shërbimeve publike”, një projekt ky i financuar nga BE.