Refuzoi martesën, dhunohet 21-vjeçarja, arrestohet kunati

Pretendoi se i kishte gjetur njeriun e jetës me të cilin duhet të martohej pasi kështu kishte ai dëshirë,  por përballë kundërshtimit të vajzës, një 34-vjeçar nga Devolli e ka dhunuar dhe e ka mbajtur kunatën me forcë të mbyllur në banesë, duke i bërë presion që të ndryshonte mendim.

Në këto kushte, pasi ka gjetur një mënyrë për të lajmëruar familjarët e saj dhe pas denoncimit, mëngjesin e sotëm policia e Devollit vuri në pranga 34-vjeçarin Todi Ç., me banim në fshatin Tren të Devollit. Arrestimi ndaj tij u bë pasi mbajti jashtë vullnetit brenda banesës ushtroi dhunë fizike e psikologjike ndaj kunatës së tij shtetases Sh.P., 21 vjeçe, banuese në fshatin Stravaj të Librazhdit.

E reja që ishte e dhunuar, në fakt shkoi të vizitonte motrën më të madhe që ishte martuar në fshatin Tren, por u ndesh me ofertën e papritur nga kunati i saj, që i tha se i kishte gjetur dikë me të cilin duhet të martohej patjetër.

Sakaq, edhe të afërmit t tjerë janë befasuar që 21-vjeçarja është dhunuar nga burri i motrës, vetëm se pse ajo refuzoi propozimin e tij për t’u martuar me një njeri që nuk e donte.