Regjistrohen tre vatra zjarri në Çerravë të Pogradecit

Zjarret në vend vijonë dhe sot flakët ranë edhe në fshatin Çerravë të Pogradecit, duke shkaktuar shqetësim për banorët dhe rrezik për zonën përreth.

Shërbimi i Mbrojtjes nga Zjarri dhe Shpëtimi (MZSH) Pogradec, punonjës të shërbimeve të Bashkisë dhe vullnetarë u angazhuan në terren për përballimin e situatës.

Falë organizimit dhe ndërhyrjes së koordinuar, u arrit të izolohen dhe më pas të shuhen plotësisht tre vatra zjarri, duke parandaluar përhapjen e flakëve në një zonë më të gjerë.

MZSH bën thirrje për kujdes maksimal duke apeluar të ndalohet rreptësisht ndezja e zjarreve të pakontrolluara, të cilat mund të shkaktojnë dëme të mëdha në mjedis.