Rekordi i zi/ 2600 të vdekur për 24 orë. Trump: Të hapet vendi

Covid-19 është kthyer në një “armë bërthamore” në SHBA. Në 24 orët e fundit është shënuar një rekord i ri. Afërsisht 2600 të vdekur dhe kjo shifra më e lartë e arritur brenda 24 orëve në të gjithë botën. Bilanci tragjik erdhi pasi presidenti i SHBA, Donald Trump tha se Shtetet e Bashkuara të Amerikës e kanë kaluar pikun e pandemisë. Ai gjithashtu e vendosi Amerikën në një posicion të fortë për të hapur ekonominë. Administrata e Trump ka shikuar si mundësi hapje datën 1 maj, ndërsa presidenti ka këmbëngulur se shumë shtete mund t’i kthehen normalitetit më herët. Në Shtetet e Bashkuara të Amerikës në total ka 640 mijë raste dhe më shumë se 30 mijë të vdekur nga Covid-19.