RENEA dhe FNSH aksion në Krujë për kanabis, në terren dhe Ardi Veliu

Policia e Shtetit ka nisur ditën e sotme një operacion në Krujë dhe në fshatrat përreth për zbulimin dhe parandalimin e kultivimit të lëndëve narkotike, ndërkohë që janë shoqëruar disa persona.

Bëhet me dije se në këtë operacion janë përshirë forcat RENEA dhe FNSH, është përqendruar në fshatin Nikël.

Mësohet se po ushtrohen kontrolle në terren, në sera dhe magazina, ndërsa raportohet se deri më tani janë sekuestruar kubikë dhe fidanë kanabisi nga ana e efektivëve.

Aktualisht policia po vijon aksionin, ku të pranishëm në teren janë kreu i Policisë së Shtetit, Ardi Veliu, Tonin Vocaj e Gjovalin Loka.