Reshjet e dendura të shiut, lumi Vjosa del nga shtrati

Lumi Vjosa ka dalë nga shtrati si pasojë e reshjeve të dendura të shiut që kanë përfshirë vendin që prej ditës së djeshme. Në pamjet e siguruara nga gazetarja e Fax News, Ervina Shehaj, duket se ujërat janë vërshuar ndjeshëm në zonat e Urës së Ali Pashait pranë fshatit Becisht si dhe të asaj të Leklit ku lumi Vjosë bashkohet me lumin Drino.

Për pasojë, e gjithë kjo ka sjellë daljen e lumit nga shtrati duke shkaktuar përmbytje dhe dëmtime tek tokat bujqësore të zonës.

Edhe niveli i ujit në liqenin e Viroit është rritur dhe me vazhdimin e reshjeve, mund të dalë nga shtrati e të rrezikojë përmbytje të zonave të banuara dhe të rrugës nacionale. Sasia e ujit është relativisht e madhe dhe përballohet me vështirësi nga kanalizimet dhe ura.