Reshjet e shiut dhe era e fortë dëmtojnë urën në Shishtavec, ARRSH apel shoferëve të kenë kujdes në rrugë (FOTO)

Ura e Zapodit në Shishtavec, në qarkun e Kukësit është dëmtuar si pasojë e motit të keq mbrëmjen e kaluar. Era e fortë dhe reshjet e shiut e kanë nxjerrë jashtë funksionit këtë urë dhe aktualisht aty nuk kalohet.

Autoriteti Rrugor Shqiptar bën me dije se “kontraktorët e mirëmbajtjes janë në terren për pastrimin e akseve”.

Njoftimi i plotë

Gjatë natës ka pasur reshje shiu me intensitet duke sjellë rënie gurësh dhe materialesh në trup të rrugës

Në aksin Ura e Zapodit-Shishtavec si pasojë e reshjeve të shiut me erë të fortë është dëmtuar një urë, po vendoset sinjalistikë dhe po merren masat e para

Kontraktorët e mirëmbajtjes janë në terren për pastrimin e akseve

Përdoruesit e rrugës të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë për shkak të lagështisë në rrugë.