Reshjet e shiut reduktojnë qarkullimin e këmbësorëve, rritet numri i automjeteve

Moti i nxehtë i fillim prillit bëri që shumë qytetarë të shfrytëzojnë kohën për të shëtitur apo për të argëtuar fëmijët në lagje.

Dhe forcat e policisë dhe ushtrisë nuk patrullojnë për kontrollin e masave kufizuese.

Por të martën, kushtet e pafavorshme atmosferike kanë mbyllur brenda qytetarët të cilët në shumë raste kanë shmangur thirrjet e autoriteteve dhe kanë shkelur masat.

Ajo çfarë u vu re, ishte një numër i reduktuar lëvizjesh kryesisht për furnizimin me ushqime dhe asnjë fëmijë përreth.

Ndryshe nga qetësia që mbizotëronte në lagje, rrugët kishin një numër të konsiderueshëm automjetesh në qarkullim.

Tre ditët e pushimit sollën gjithashtu një fluks të lartë në pikat e bankave.

Që prej ditës së hënë situata po monitorohet edhe me dron duke shtuar dhe numrin e rasteve të konstatuara me shkelje.

Vetëm gjatë 24 orëve të fundit janë gjobitur 719 shtetas me masën administrative 10 mijë lekë.