Reshjet e shiut shkaktojnë probleme në qarkun e Dibrës. Bllokohet rruga Peshkopi-Kukës, 20 fshatra të izoluar

Reshjet e dendura të shiut kanë shkaktuar probleme në Qarkun e Dibrës. Mësohet se si pasojë e tyre ka pasur disa rrëshqitje dherash, ndërsa raportohet se rruga Peshkopi-Kukës është bllokuar.

Raportohet se rrëshqitja e dherave dhe gurëve ka ndodhur në vendin e quajtur ‘Shumak’.

Nga bllokimi i kësaj rruge janë izoluar 20 fshatra, në njësinë Sllove dhe në kalanë e Dodës. Po ashtu raportohet se shumë zona janë pa energji elektrike që prej natës së mbrëmshme.