Rezultatet e maturantëve, ekspertët: Çdo vit performanca edhe më e dobët

Këtë vit ka më shumë maturantë mbetës. Provimi i matematikës i cili shkaktoi protestë dy ditore nga vetë ata, nuk dha performancë të mirë, as pas uljes së pragut të pikëve. Janë mbi 800 maturantë që nuk e morën këtë provim. Sipas ekspertëve të arsimit, Ministria gaboi në administrimin e këtij procesi mjaft të rëndësishëm.

Mungon dhe një analizë e detajuar, pasi vit pas viti shfaqen pakënaqësi. Për të ulur performancën negative, këshillohet të merret shembull nga shtetet e tjera.

Kërkohet po ashtu zbatimi i ligjit që Universitetet t’i testojnë vet studentët duke lehtësuar nivelin e vështirësisë së provimeve të maturës. Ndikimi i këtyre rezultateve do të reflektohet në pikët që do t’u duhen maturantëve për t’u pranuar në universitet.