”Riedukimi”, Balla mbron Ramën: Edhe Trump ia hiqte fjalën gazetarit të CNN

Kreu i Grupit Parlamentar të PS-së, Taulant Balla gjatë konferencës për shtyp u pyet nga gazetarët për incidentin e kryeministrit Edi Rama në një konferencë për shtyp ku ”dënoi” për 3 muaj gazetarin Klevi Muka.

Në fjalën e tij Balla tha se ky rast nuk ka të bëjë fare me lirinë e medias, madje mori një shembull. Ai tha se ish-presidenti i SHBA-së Donald Trump i hiqte fjalën gazetarit të CNN gjatë konferencës për shtyp.

”Të gjithë biem dakord që SHBA janë modeli më i mirë i lirisë së medias dhe demokracisë. Unë kam studiuar modelin e demokracisë amerikane. Natyrshëm që fakti që ju ngrini, nuk ka të bëjë aspak me lirinë e medias.

Është çështje e komunikimit, kur mblidhemi të diskutojmë një çështje të rëndësishme. Rasti i asaj dite ishte një gjë e madhe, një bazë ushtarake e NATO-s në Shqipëri. Dhe nga kjo kalojnë në një çështje tjetër. Ju jeni ekspertë të kësaj fushe, nuk dua të hyjë në detyrën tuaj. Komunikimi publik është një detyrim”.