Rikthehen fadromat te “Astiri”, IKMT: 5 godina do shemben nesër

Inspektoriati Kombëtar i Mbrojtjes se Territorit do të rinisë të enjten aksionin për prishjen e godinave të tjera që preken nga projekti i Unazës së Madhe në zonën e Astirit.

Janë 6 objekte të parashikuara për shembje, 5 nga të cilat do të prishen nesër. Aksioni do të nisë në orën 06:00 të mëngjesit.

Ndërkohë godina e 6 është planifikuar të shembet pasnesër, 10 janar, me shpërthim të kontrolluar. Brenda saj kjo godinë ka të strehuar familjarë të prekur nga tërmeti.

Pranë banorëve ishte dhe ish-deputeti demokrat Klevis Balliu.

Aksioni do të përqendrohet më së tepërmi tek ish-Rrethrrotullimi “Shqiponja”. IKMT bën me dije se aksioni për prishjen e 6 objekteve do të shtrihet në dy ditë.

“Aksioni do të përqendrohet më së tepërmi tek ish-Rrethrrotullimi “Shqiponja”. Pesë objekte do të prishen gjatë ditës së nesërme. Të premten një objekt do prishet me shpërthim të kontrolluar”, thonë nga IKMT-ja.