Rikthehen shirat, ulen temperaturat

Dita e diel ishte me erë të fortë dhe reshje të pakta në jug, por gjatë mbrëmjes dhe ditës së hënë dobësohet ndjeshëm parametri i erës, ndërsa zgjerohet zona e reshjeve edhe në ato qendrore dhe lindore. Kjo situatë është kalimtare pasi vonë në mbrëmje dhe gjatë së martës, Shqipëria i rikthehet motit të kthjellët. Temperaturat kanë shënuar mbi 20°C këtë fundjavë, ndërsa do të mbeten të larta edhe mëngjesin e së hënës, por mesdita sjell rënie të temperaturave në vend, më e ndjeshme rënia në zonat lindore, ndërsa në Perëndim, maksimumi mbetet 18-19°C në zonën Shkodër-Lezhë.