Rilindja në Myzeqe/Rama: Lehtësohet lëvizja e njerëzve dhe e prodhimeve! Qytetarët: Na hoqe çizmet

Kryeministri Edi Rama, këtë të martë ka shkuar në Lushnje, kjo me rastin e përfundimit të rindërtimit të të gjitha rrugëve rurale të zonës bujqësore të fushës së Myzeqesë.

Kreu i qeverisë ka nënvizuar se tashmë do të lehtësohet plotësisht lëvizja e njerëzve dhe e prodhimeve, në këtë zonë shembullore për transformimin e bujqësisë e për rritjen e eksporteve në këto vitet e fundit.

Një qytetar i është drejtuar kryeministrit i entuziazmuar duke i thënë se pas kaq shumë kohësh u ka hequr çizmet dhe i ka nxjerrë nga balta.

“I pari kokë e qeverisë që shkel sot në Myzeqe. Rrofsh që na hoqe çizmet dhe baltën”, tha qytetari. Rama është shoqëruar në këtë inspektim nga zv.kryeministri Erion Braçe.