Rinia, përfshirje dhe vëmendje për të shmangur “faturën” e largimeve

Largimi i rinisë shqiptare është një plagë që ka nisur para disa vitesh. Mundësi, përfshirje dhe mbi të gjitha vëmendje. Është kjo “receta” që vetë të rinjtë sugjerojnë për të ndalur “hemorragjinë” pa mbarim të braktisjeve dhe rikthimin në vend të të larguarve.

Linda Kelmendi, presidente e Rrjetit Rinor të Kombeve të Bashkuara në Shqipëri, teksa vlerëson vullnetin në rritje të të rinjve për t’u përfshirë në jetën sociale dhe ekonomike të vendit, thotë që potenciali i tyre mund të shfrytëzohet vetëm nëse ata merren seriozisht nga institucionet.

Për Diogjen Koliçin, delegat rinor i Shqipërisë në Kombet e Bashkuara, strategjitë e hartuara nga qeveria për të rinjtë, duhet me patjetër të përmbajnë edhe mendimet dhe nevojat e këtyre të fundit.