Rinis kontrolli teknik i mjeteve, ndryshim rrënjësor në cilësi

Pas 5 muajsh pezullim, të hënën rinisi kontrolli i automjeteve që po kryhet në 14 qendra të Kontrollit Teknik në të gjithë vendin. Ky shërbim do të kryhet 1 herë në 2 vjet.

Nisja e shërbimit publike pas përfundimit të koncesionit për kontrollin fizik të automjeteve, sipas Ministres së Transporteve, do të sjellë ndryshim rrënjësor në cilësi, por nuk do të sjellë ndryshim për tarifat që paguajnë qytetarët.

Veç investimeve për transformimin e shërbimeve, kjo Drejtori ka investuar dhe në rikonstruktimin apo ndërtimin e zyrave të reja rajonale, një prej të cilave dhe ajo e Laçit, që u inspektua dhe nga Kryeministri.