Rishikimi i buxhetit, ministri Denaj: Më shumë mbështetje për fermerët, blegtorët e peshkatarët
Qeveria miratoi sot rishikimin e buxhetit duke alokuar financime shtesë edhe për fermerët dhe sektorin e bujqësisë.
Ministrja e Bujqësisë dhe Zhvillimit Rural, Anila Denja deklaroi se “përmes aktit normativ, miratuam sot në Këshillin e Ministrave ndryshimet buxhetore për më shumë mbështetje për fermerët, blegtorët dhe peshkatarët për rritjen e sasisë dhe cilësisë së prodhimeve “Made in Albania”.
Denaj bëri të ditur se ndryshimet sigurojnë më shumë mbështetje në sektorin e bujqësisë, infrastrukturës bujqësore, blegtorisë dhe akuakulturës.
“Qeveria Shqiptare dhe Ministria e Bujqësisë dhe Zhvillimit Rural mbeten të angazhuar për të mbështetur dhe fuqizuar sektorin bujqësor për vizionin “Bujqësia 2030” dhe shtrirjen e produkteve “made in Albania” në më shumë se 80 tregje elitare ndërkombëtare”.
