Roli i mafias shqiptare në ekzekutimet mafioze në Greqi

Greqia në vetëm një muaj, u përgjak nga katër atentate të tipit mafioz. Vetëm për 15 orë në Atikë, kishte dy ekzekutime, atë të kriminelit 32-vjeçar shqiptar Arias Papas të dielën pasdite në Sepolia në një lokal dhe atë të boksierit veteran, Tasos Berdesi.

Oficerët e Policisë Greke i drejtojnë hetimet e tyre në “trekëndëshin” e burgjeve Athinë, Patras ku vepron krimi i organizuar në familje, por edhe mafia shqiptare. Qëllimi kryesor i autoriteteve është të zbulojnë se kush u jep urdhra këtyre njerëzve që ekzekutojnë kontratat e vdekjes.

Ekspertet greke të sigurisë thonë për ”Tanea.gr”, se në shumicën e rasteve vrasesit me pagesë vijnë nga jashtë Greqi për llogari të grupeve mafioze. Vrasjet bëhen kryesisht në mesdite dhe kanë një frekuence 1 herë në 2 muaj, duke e kthyer në shqetësim të madhe këtë gjë për policië greke.

Për momentin autoritetet nuk gjejne lidhje direkte mes ekzekutimit të boksierit Tassos Berdesis dhe shqiptarit Aris Papas që u vra në mëyrë mizore në një lokal në Sepolia me 8 plumba në kokë. Vetë Tassos Berdesis duket se ka qenë i përfshirë në raste zhvatjeje në të kaluarën, ndërsa lëvizte me një armë pa leje gjithë kohën.

Mafia që vepron në Greqi është e ndarë në dy kampe kryesore dhe mes tyre llogaritet partneriteti edhe me mafian shqiptare që është e shtrire edhe nëpër burgjet e Greqisë. Nga të dhënat e institucioneve greke në 5 muajt e fundit kanë ndodhur 5 vrasje mafioze në Greqi dhe 14 kontrata vdekje janë zbatuar në 4 vitet e fundit.

Organizatat kriminale pastrojnë para në aktivitete të ndryshme të tilla si furrat e bukës, pikat e karburantit, kompanitë e kafesë, kantinat e verës, ndërmarrjet e ndërtimit, hotelet, madje edhe parqe fotovoltaike.