Rradhë kilometrike në pikën kufitare Hani i Hotit, punohet me sportele të shtuara

Fluksi i udhëtarëve vijon me ritme të larta një ditë para hyrjes së vitit të ri.

Pika kufitare e Hanit të Hotit ka regjistruar një numër të madh emigrantësh dhe turistësh, duke shkaktuar radhë të gjatë dhe vonesa.

Pavarësisht se prej ditësh pikat kryesore kufitare kanë marrë masa për të përballuar fluksin e udhëtarëve, në Hanin e Hotit raportohet për vonesa.

Bëhet me dije se në pikën kufitare operojnë dy sportele për hyrje dhe dy për dalje. Megjithatë, vonesat nuk janë evituar pasi fluksi është shtuar ditët e fundit për shkak të festave.

Mësohet se atdhëtarët që vijnë nga Mali i Zi për të hyrë në Shqipëri duhet të presin për rreth 1 orë.