Rrahu gruan të pajisur me urdhër mbrojtje dhe vjehrrën, vihet në pranga 40-vjeçari

Një 40-vjeçar është arrestuar nga policia e Peqinit, pasi ka dhunuar bashkëshorten e tij, e cila ishte e pajisur urdhër mbrojtje, si dhe nënën e kësaj të fundit. Policia bën më dije se në pranga ka rënë shtetasi më iniciale F.B.

Gjatë kontrollit fizik 40-vjeçarit i është gjetur një thikë, i cila i është sekuestruar.

“Si rezultat i veprimeve të shpejta policore, u bë kapja dhe arrestimi në flagrancë i shtetasit F. B., 40 vjeç, banues në Peqin, pasi ka ushtruar dhunë fizike ndaj bashkëshortes së tij, e cila është e pajisur me urdhër mbrojtjeje, dhe ndaj nënës së saj, në banesën ku jetonin këto dy shtetase”, njofton policia.