Rregullore e re për burgjet në Shqipëri, kjo pas 24 vitesh

Drejtoria e Përgjithshme e Burgjeve, pas 24 viteve ka ndryshuar organizimin dhe funksionimin e saj. Në vendim parashikohet se drejtoria e Përgjithshme e Burgjeve financohet nga buxheti i shtetit, ku miratohet si zë i veçantë në buxhetin e Ministrisë së Drejtësisë.

Mes shumë detyrave të tjera ajo që vihet re është dhe një element i rëndësishëm i hyrë së fundmi në funksionimin e burgjeve në Shqipëri. Feja dhe praktikimi i saj është një e drejtë e çdo personi ndaj dhe vendimi i Këshillit të Ministrave parashikon dhe Lidhjen e marrëveshjeve me komunitete fetare të njohura ligjërisht.

Drejtori i Përgjithshëm i Burgjeve emërohet, lirohet ose shkarkohet nga detyra me vendim të Këshillit të Ministrave me propozimin e ministrit të Drejtësisë. Sipas vendimit të Këshillit të Ministrave, struktura dhe organika e Drejtorisë së Përgjithshme të Burgjeve, e institucioneve të ekzekutimit të vendimeve penale dhe e Policisë së Burgjeve, miratohen me urdhër të Kryeministrit në bazë të propozimit të ministrit.