Rreziku nga ”Delta”, Ballkani Perëndimor i prekur

Ende nuk ka një konfirmim zyrtar se mutacioni i virusit Covid-19, i njohur si ”Delta” të ketë mbërritur në Shqipëri, por rreziku është. Varianti i ri ka prekur Ballkanin Perëndimor, ku pas dy rasteve në Kosovë, Maqedonia e Veriut regjistron 8 qytetarë të prekur, 6 prej të cilëve brenda një dite.

”Delta” po përhapet shpejt dhe gjurmimi i tij bëhet vetëm nëpërmjet testimeve. Shqipëria i ka varur shpresat nga sezoni turistik, por hapja e dyerëve pa teste dhe pasaportë vaksinimi mund të jetë një nga rrugët e depërtimit të “Deltës” në vendin tonë.

Përpos masave, vaksinimi shihet shpëtim më i sigurtë nga çdo variant i Covid-19, ndaj apelohet përkryerjen e dy dozave.