Rreziku nga terrorizmi, Policia e Shtetit kalon në armatim të rëndë

Policia e Tiranës ka kaluar në masa të përforcuara, duke rritur praninë e saj në kryeqytet për garantimin e sigurisë.

Sipas urdhrit të ardhur nga kerët e policisë, çdo patrullë duhet të jetë e pajisur me armatim të rëndë, për të qenë të gatshme për të reaguar ndaj çdo ngjarjeje kriminale apo terroriste. 

Vendimi për përforcimin e masave të sigurisë ka ardhur pas analizave të strukturave të Shërbimit Informativ Shtetëror, që sugjerojnë se Shqipëria është e rrezikuar nga sulme terroriste. 

Për rrjedhojë, forca të shumta policie kanë “blinduar” Parlamentin, ku po zhvillohet seanca plenare, si dhe janë vendosur pranë institucioneve të tjera si Kryeministria dhe Prokuroria e Përgjithshme.