Rreziku nga terrorizmi, SHBA rikthen vizat për 38 shtete

Shumë shqiptarë dëshirojnë të shkojnë në SHBA, por më tej do të jetë edhe më e vështirë. Kjo pasi edhe qytetarët e 38 vendeve që nuk kishin nevojë të udhëtonin deri tani me viza drejt SHBA-ve, më tej duhet t’i nënshtrohen regjimit të vizave. 

Frika nga sulmet terroriste detyron ligjvënësit në Shtetet e Bashkuara të Amerikës të rikthejnë vizat me 38 shtete, përfshi këtu dhe vendet e Evropës Perëndimore.

Dhoma e përfaqësuesve në kongres votoi me 407 vota pro dhe 19 kundër propozimin për rivendosjen e vizave.

Në të parashikohet dhe rritja e bashkëpunimit kryesisht me vendet evropiane për shkëmbin e informacioneve lidhur me personat e dyshuar për lidhje terroriste ose me të shkuar kriminale.

 Draft i propozuar nga republikani Miller vjen si një masë për parandalimin e sulmeve terroriste, pas ngjarjeve të 13 nëntorit në Paris, ku mbetën 130 persona të vrarë.

Gjatë diskutimeve në dhomën e përfaqësuesve, zyrtarët amerikanë theksuan se në këtë listë u përfshinë dhe vendet perëndimore, për shkak se shërbimet inteligjente raportojnë se 5 mijë evropianë kanë udhëtuar drejt Sirisë dhe Irakut, për të luftuar krah militanteve të Shtetit Islamik. Që të kthehet në ligj, drafti duhet të votohet dhe në senat.