Rriten rastet e rënda nga Covid-i, 30 shtrime në ditë

Rriten urgjencat dhe shtrimet në spital nga koronavirusi. Deri në 30 pacientë në ditë, në gjendje të rënduar, kërkojnë shërbimin e specializuar në dy spitalet Covid.

Të shtruar në pavijone ka nga 25-vjeçarët deri te më të moshuarit, dhe pjesa më e madhe të pavaksinuar. Pacientët e vaksinuar paraqesin forma më të lehta se të shtruarit që nuk kanë marrë asnjë dozë.

Në këtë periudhë, një vit më parë, ishin në kapacitete maksinale 4 spitalet Covid, si dhe spitalet rajonale në rrethe. Fluksi i shtrimeve po përballohet nga dy struktura, spitali infektiv dhe Covid 3 në QSUT.

Mjekët pohojnë se nëse do të kishim mbulesë të lartë vaksinale, shtrimet në spital dhe vdekjet nga virusi do të ishin më të ulëta.