Rritet incidenca e të prekurve nga Covid-19, shumica janë të rinj

Janari do mbyllet me numrin më të lartë të infektimeve ditore nga Covid-19. Ekspertët fajësojnë për këtë rritje mosrespektimin e masave në sezonin e festave, ndërsa thonë se aktualisht situata është e qëndrueshme.

”Kjo është varur nga numri i testimeve. Incidenca në Janar paraqet rritje krahasuar me muajin Dhjetor por jemi në situatë të qëndrueshme. Pozitiviteti është rreth 20%, po të shikojmë dhe shtrimet në spital që janë në gjysmë të kapacitetit”.

Shumica e të infektuarve janë të rinj pa simptoma dhe me rrezik të lartë për të përhapur virusin. “Ka një rritje të incidencës tek moshat e reja, e kalojnë pa shenja sëmundjen por kanë një ndikim të madh në transmetueshmëri”.

Nga ana tjetër, ekspertët janë të mendimit se respektimi i masave do të çonte në ulje të rasteve. ”Duhen respektuar nga 95% e popullatës për të patur efekt maksimal dhe pse ka filluar vaksinimi nuk ka vend për eufori”.