Rritja e pagave për gjyqtarët, Berisha akuzon Ramën: Synon të blerë Kushtetuesen

Sali Berisha thotë se projektligji për rritjen e pagës së gjyqtarëve është një mënyrë e kryeministrit Edi Rama për të blerë Gjykatën Kushtetuese.

Ai hodhi akuza edhe në drejtim të bashkëshortes së Enkelejd Alibeajt, Marsida Xhaferllari, sipas së cilit në mënyrë anti-kushtetuese mban anën e kreut të qeverisë. Në këtë formë, shpjegon edhe votën pro të Lulzim Bashës për rritjen e pagës.

“Një pjesë e tyre (anëtarët e Gjykatës Kushtetuese) s’kanë qenë në sallën e gjyqit, ka një ndikim më të madh se ç’duhet të ketë në atë gjykatë dhe në të gjitha vendimet, ajo (Marsida Xhaferllari) është renditur me Edi Ramën në mënyrën më anti-kushtetutese, mendo në qëndrimin për mandatin e Olta Xhackës, ka disa zonja aty që s’janë ulur kurrë në sallën e gjyqit. Vendimi ishte për të blerë Gjykatën Kushtetuese”, tha Berisha për ”A2cnn”.

Edhe pse Lulzim Basha iu bashkua me votat që ka, Partia Socialiste kërkoi shtyrjen për në seancën e radhës të projektligjit për rritjen e pagës së anëtarëve të Gjykatës Kushtetuese. Numrat e pamjaftueshëm për të bërë 84 vota, detyroi PS që të kërkojë shtyrjen e p/ligjit për rritjen e pagave të anëtarëve të kushtetueses në seancën e javës së ardhshme.