Rritje e lehtë e rasteve, 47 infektime të reja në 24 orë nga Covid-19

Aktualitet E Enjte, 29 Korrik 2021 17:51

Vijojnë që rastet e reja nga Covid-19 të pësojnë një rritje të lehtë. Ministria e Shëndetësisë thotë se në 24 orët e fundit nga 3025 testime të kryera, janë konfirmuar 47 raste të reja, kurse 13 persona të shëruar. Asnjë humbje jete nga koronavirusi në Shqipëri.

Deklarata e plotë

Ministria e Shëndetësisë i bën apel qytetarëve të vaksinohen ndaj Covid-19, për të mbrojtur veten dhe njerëzit e afërt dhe për të frenuar përhapjen e virusit të rrezikshëm. Vaksinat anticovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse dyshoni se jeni i prekur nga Covid19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127. Ju informojmë për situatën në 24 orët e fundit, si vijon: Janë kryer 3025 testime, nga të cilat kanë rezultuar pozitivë me Covid19, 47 qytetarë, në këto bashki: 19 raste në Tiranë, 6 në Elbasan, 5 në Kuçovë, 4 në Pogradec, 3 në Lezhë, 2 në Korçë, nga 1 rast në Shkodër, Durrës, Kukës, Kavajë, Lushnje, Sarandë, Delvinë, Poliçan.

Aktualisht janë 355 pacientë aktivë me Covid-19 në të gjithë vendin. Në Spitalin Infektiv po marrin trajtim spitalor të specializuar 18 pacientë. Në 24 orët e fundit nuk ka asnjë humbje jete me Sars-Cov2 pozitiv. Janë shëruar 13 qytetarë gjatë 24 orëve të fundit, duke e çuar numrin e të shëruarve në 130,187 që nga fillimi i epidemisë.

Statistika (29 Korrik 2021)

Raste të reja ditore 47
Të shëruar në 24 orë 13
Të shtruar në spitale 18
Humbje jete në 24 orë 0
Testime ditore 3025
Testime totale 892,069
Raste pozitive 132,999
Raste të shëruara 130,187
Raste aktive 355
Humbje jete 2,457