Rritje pagash edhe në sektorin privat? Ministrja e Financave tregon se kur do të ndodh

Sot kryeministri Edi Rama bëri me dije se për 5 profesione do të ketë rritje page që këtë muaj. Ministrja e Financave dhe Ekonomisë tha në një intervistë se rritja e pagës mesatare në 900 euro do t’i kushtojë buxhetit të shtetit 38 miliardë lekë në vit. Ibrahimaj u shpreh se ky është një vendim nga i cili do të preket pa diskutim edhe sektori privat.

“I vetmi instrument që ka qeveria në dorë për të ndikuar në sektorin privat është rritja e pagës minimale. Historia ka treguar se me rritjen e pagës minimale ka pasur një rritje edhe të pagës mesatare.

Rritja e pagës mesatare në sektorin publik do të ndikojë edhe në rritjen e pagës mesatare në sektorin privat pasi sektori publik do të jetë në konkurrencë me atë privat”, tha ministrja.