Rruga e Kombit e kalueshme

Në Qarkun e Lezhës situata vijon të jetë problematike në disa zona. Në Mirditë është ndërprerë mësimi në të gjitha shkollat, ndërsa Rruga e Kombit vijon të ketë prezencë të madhe bore por pa bllokuar automjetet.

Fshatrat Fan, Orosh dhe Selite vijojnë që të jenë të bllokuar. Ndërkohë që Kurbini ka një situate më të qetë dhe nuk paraqet probleme, vetëm në pjesën e njësisë administrative Gallatë paraqiten disa probleme në rrugë ku edhe reshjet kanë qenë më të dendura.

Në Lezhë ka vijuar normalisht procesi mësimor, ndërsa rrugët janë të kalueshme në të gjithë rrethin, vetëm zona malore e Ungrejt paraqet probleme duke e izoluar disa fshatra.