Rruga e vetme që mund të fluturoni nga Rinasi në datat 13-15 mars

Ndalimi i qarkullimit të mjeteve private por dhe linjave të autobusin për frenimin e përhapjes së koronavirusit ka sjellë që vetëm transportit specifik do të veprojë dhe fillimisht edhe ai duhet të akreditohet pranë Drejtorisë së Përgjithshme të Policisë së Shtetit. Pjesë e saj janë dhe punonjësit e aeroportit të Rinasit por dhe personat që kanë një udhëtim për të marrë nga datat 13-15 mars.

TIA ka shpërndarë një njoftim ku lajmëron të gjithë udhëtarët që kanë për të udhëtuar nga Aeroporti i Rinasit drejt destinacioneve të tjera duhet të kenë me vete të printuar ose foto, biletat e tyre të udhëtimit dhe pasaportat, pasi kjo do të shërbejë si akreditim për familjarin që do ju shoqërojnë deri në Rinas, në të kundërt do të ndalohet nga Policia e Shtetit.

”Përdorini biletës si evidencë e udhëtimit është e domosdoshme nëse dëshironi të arrini fluturimin tuaj. AAC këshillon pasagjerët se duhet të marrin parasysh që në kushtet e kufizimit të qarkullimit, të nisen më herët, për të bërë të mundur arritjen në kohë në aeroport. AAC saktëson se vetëm një familjar mund të shoqërojë pasagjerin në aeroport, gjithmonë duke patur me vete biletën e udhëtimit apo një foto të saj, si dhe pasaportën, ndryshe Policia e Shtetit nuk do ta lejojë kalimin”.