Rruga që lidh Beratin me Fierin “gangrenë” për drejtuesit e mjeteve

Aksi nacional që lidh Beratin me Fierin, prej vitesh është kthyer në shqetësim për drejtuesit e mjeteve. Nga fshati Poshnje në njësinë administrative Ura Vajgurore, deri në fshatin Strum të bashkisë Fier, ky aks është thuajse i pakalueshëm.

Drejtuesit e mjeteve ankohen se rruga po u shkatërron makinat, ndërsa thonë se i kanë shuar shpresat për rikonstruksionin e saj.

Përveç faktit se ky është një aks nacional, rruga është një domosdoshmëri edhe për banorët e zonave përreth, të cilët duhet të transportojnë prodhimet e tyre bujqësore në qytete të tjera.