Rudina Hajdari: Naftëtarët e Ballshit nuk ka kush ti mbrojë

Deputetja Rudina Hajdari gjatë fjalës së saj në Kuvend është ndalur në protestën e naftëtarëve të Ballshit, të cilët janë aktualisht përpara Ministrisë. Hajdari ka deklaruar se është një turp për politikën shqiptare që hesht, ndërkohë që ata punëtorë po kërkojnë pagat për të mbajtur familjet e tyre. Në fjalën e saj, ajo përmendi se një grup të pangopurish që e kanë lënë vendin me 900 milion euro borxh jetojnë si sheik, ndërsa punëtorët që kërkojnë pagat procedohen.

”Njerëz të palodhur që nuk paguhen, nga ana tjetër kemi disa njerëz që janë të pangopur, kanë marrë këtë pasuri e kanë shfrytëzuar dhe e kanë futur vendin në gropë. Dua të përmend naftëtarët e Ballshit që janë njerëz me dinjitet janë kthyer pa dinjitet se nuk ka kush ti mbrojë, deputetët heshtin, qeveria hesht, por edhe një opozitë që është jashtë parlamentit edhe ajo hesht dhe kjo është skandaloze. Më përpara dhe pse ishte një biznes i korruptuar prapë i sillte fitim shtetit. Që kur arma u privatizua, që në kohën e Berishës, e ka çuar vendin në gropë. Ata me të drejtë kërkojnë rrogat e tyre, e kanë lënë me 900 milion euro dollarë borxh këtë vend. A ka ndonjë procedim për këta persona nuk paguajnë punëtoret. Me kohë këta naftëtarë dalin në rrugë për të protestuar. Një grup të pangopurish që jetojnë si sheik, ndërsa ata që kërkojnë pagat procedohen. Sot ne heshtim përpara atyre që kërkojnë pagat. Ky lloj sistemi duhet të shkallmohet”, deklaroi Hajdari.