Rudina Hajdari në SHBA, foto me djalin e Presidentit Donald Trump
Deputetja shqiptare, Rudina Hajdari, ka fituar zemrën dhe respektin e ekipit dhe familjes së Presidentit të SHBA, Donald Trump.
Pas takimeve të suksesshme në New York, ku merrnin pjesë figura të njohura të Partisë Republikane, si Jared Kushner, Rudy Guliani, Lindsay Graham dhe të tjerë, deputetja Hajdari ka ndryshuar planin e kthimit në Tiranë, që ishte këtë javë, për të vazhduar takimet me ekipin e Presidentit Trump në Washington DC.
Ajo është takuar me djalin e Presidentit Trump, dhe këtë e ka bërë të ditur vetë deputetja, përmes një mesazhi në “Facebook”, teksa shkruan ndër të tjera se ka qenë e ftuar në aktivitetin për mbledhjen e fondeve për fushatën e radhës të Presidentit Trump.
“Ndihem e nderuar që isha e ftuar në aktivitetin e mbledhjes së fondeve për fushatën e rradhës së Presidentit Amerikan, Donald Trump, në Hamptons. Në këtë aktivitet morën pjesë personalitete të shquara amerikanë, si Bill O’Reilly dhe Geraldo Rivera, Senatori Lindsey Graham, Kongresmeni Lee Zeldin dhe djali i Presidentit, Donald Trump Jr. ????”, shkruan deputetja Hajdari.
