Rudina Hajdari takohet me kandidaten rivale të PD-së: Jo garë muskujsh
Kandidatja për deputete e ”Nismës Thurje” në qarkun e Elbasanit, Rudina Hajdari, sot ka ndeshur rastësisht në këtë fushatë kandidaten e PD-së, Flutura Açkën.
Hajdari ka ndarë një foto në mediat sociale ku shfaqet së bashku me Açkën, dhe nënvizon se kultura e luftës pa skrupuj për pushtet dhe e muskujve që tmerrojnë qytetin e prishin harmoninë e qytetarëve duhet të marrë fund.
”Përgjatë fushatës derë më derë sot u hasa me kandidaten rivale, znj. Flutura Açka. U takuam, u përshëndetëm, biseduam dhe bëmë një foto bashkë. Gara jonë nuk është e nuk duhet të jetë garë muskujsh dhe lufte për jetë a vdekje por garë idesh e parimesh se si vendi ecën përpara. Kultura e luftës pa skrupuj për pushtet dhe e muskujve që tmerrojnë qytetin e prishin harmoninë e qytetarëve duhet të marrë fund. Nëse duam të shkojmë drejt perëndimit, duhet të sillemi si të tillë duke nisur nga ne politikanët”,-shkruan Hajdari.
View this post on Instagram
