Rudina krah Ambasadorit të BE-së por flet si qytetare

Ende nuk e ka sqaruar qëndrimin për mandatin si deputete. Rudina Hajdari është shfaqur për 8 Mars në Shkodër krah ambasadorit të BE-së, Luigi Soreca, ku mori pjesë në disa takime në Vaun e Dejës në kuadër të Ditës së Gruas.

Për mediat ajo zgjodhi të flasë vetëm si qytetare dhe jo deputete. “Uroj gratë dhe vajzat sot, të ndihen se ato mund të bëjnë ëndrrat e tyre realitet dhe mund të jenë ato gra që ndryshojnë vizionin e Shqipërisë dhe e çojnë Shqipërinë në BE sa më shpejt. Fola si qytetare e Shqipërisë”.

Vajza e liderit të Dhjetorit, Azem Hajdari, ende nuk e ka thënë fjalëne fudnit nëse do të bashkohet me vendimin e PD-së apo do të mbajë mandatin e deputetit. Kur opozita mori vendimin Hajdari ndodhej në SHBA dhe përmes një postimi në facebook ajo pati deklaruar se do të vendoste pas konsultimit me ndërkombëtarët.

Nëse ajo nuk lë mandatin, nga Partia Demokratike ka ardhur paralajmërimi se do të ndiqet i njëjti standard me Myslim Murrizin, përjashtimi nga partia. Vëllezërit e saj janë pjesë e protestave të opozitës.