Rumania dhuron 150 mijë doza vaksina anti-covid, Balla: Faleminderit Presidentit dhe kryeministrit

Një tjetër ndihmë vjen nga qeveria e Rumanisë, e cila ka miratuar vendimin për t’i dhuruar Shqipërisë 150 mijë doza vaksinash anti-covid. Sekretari i Përgjithshëm i PS, Taulant Balla, i cili ka bërë me dije lajmin, i ka shprehur mirënjohjen Presidentit Klaus Iohannis dhe kryeministrit Florin Citu, për këtë ndihmë.

“Qeveria e Rumanisë sapo ka miratuar në mbledhjen e sotme të Qeverisë vendimin për t’i dhuruar Shqipërisë 150.000 doza vaksinë anti-Covid19. Dëshiroj t’i shpreh mirënjohjen Presidentit Klaus Iohannis dhe Kryeministrit Florin Cîțu për këtë ndihmë të mirëpritur në luftën me pandeminë.

Gjithashtu falenderoj edhe Ambasadorin e Rumanisë në Tiranë Octavian Șerban me të cilin kemi një bashkëpunim të përditshëm në dobi të marrëdhënieve të shkëlqyera mes dy popujve dhe vendeve tona”, shkruan Balla.